Season 17

Voetspore Suid-Amerika 2 Noroeste is 'n reeks van 13 episodes oor 'n ekspedisie deur Bolivia, Peru, Ecuador en Colombia. Dit dek die noordwestelike (noroeste) deel van die vasteland. Die reeks sluit talle hoogtepunte in soos 'n besoek aan Salar Uyuni, die wêreld se grootste soutvlakte, La Higuera waar Che Guevara vermoor is, die Stoei Cholitas in La Paz, Machu Picchu, die Nazca Lines, die Cordillera Blanca, die ewenaar net noord van Quito, die voëlkykgebied in Mindo, Cali, die salsa-hoofstad van die wêreld, die koffiestreek van Colombia, Bogotá, die hoofstad, en Medellín, eens 'n dwelmkartelhoofstad, maar vandag een van die vreedsaamste stede ter wêreld. Dit is 'n onvergeetlike reis van dramatiese landskappe, historiese terreine, uitsonderlike natuurskoon en interessante kulturele diversiteit.