Nesta ocasión, a parroquia costeira de Santo Antón de Louredo, xa engalanada con motivos natalicios, celebra a Noiteboa e, como é natural nestas datas, o Padre Casares pretende representar o nacemento do Neno Xesús a través dun belén 'realista' que non fará outra cousa que espertar as burlas da freguesía.
O 'vello pastor' de Louredo, Don Crisanto, non se dedicará desta volta a amolar o inimigo natural da igrexa, o alcalde Delmiro, senón que verterá toda a súa ira contra Don Horacio pola construción deste orixinal nacemento. Pero este non será o único tema que irrite os veciños da vila xa que, ademais, andan doentes porque a Conchita de Tapeirán lle tocou a Lotaría de Nadal.
