No capítulo de hoxe, a parroquia de Santo Antón de Louredo prepárase para a chegada da temporada de caza. Mentres Delmiro, o alcalde 'roxo' da vila, pretende 'cazar' o delegado de Patrimonio, Crisanto quere amolar a Delmiro. Doutro lado, as mulleres da vila xa teñen un novo tema de conversa: desta volta Maite, a secretaria do concello, será a protagonista de todas as miradas e parolas na tenda da Lidia, xa que os veciños desexan saber quen é o pai do fillo que espera e, para conseguir esa información, inician unha manobra de acoso. Todas as miradas diríxense desta volta cara a Miñato, o 'manitas' da vila.
