Ó ghlao an charria ar Inse Ghall na hAlban go heachtraí mistéireacha ar phortaigh na hÉireann, fiosraíonn Cormac Ó hÁdhmaill tionchar cultúrtha na dtailte portaigh agus an fiadhúlra neamhghnách atá le fáil iontu. Buaileann Cormac leo siúd atá ag obair ar son thionscal na móna san Fhionlainn agus cluinimid ó fhear as an Ísiltír a bhí i mbun feachtas chun bogaigh na hÉireann a tharrtháil.
Scrúdaíonn Cormac Ó hÁdhmaill an tionchar a bhí ag na bogaigh agus na tailte portaigh ar an stair agus caitheann sé súil ar iarsmaí na staire atá caomhnaithe acu. Téann Cormac chun na Fionlainne le tuilleadh a fhoghlaim faoin tionchar a bhí ag imeachtaí domhanda orthu siúd atá ag obair i dtionscal móna na tíre. Buailimid le heolaithe i mBaile Átha Cliath atá ag baint oideas as béaloideas an bhogaigh. Agus labhraíonn Eamonn Ned Kelly ar ár sinsir san Iarannaois atá caomhnaithe ag an mhóin.
Buaileann Cormac leo siúd atá ag plé le todhchaí na mbogach agus na dtailte portaigh in Éirinn agus ar fud an domhain. I gCeanada, taispeánann Line Rochefort, saineolaí domhanda ar athshlánú portaigh, na modhanna atá aici sfagnam a athchur. Cluinimid faoin tionchar millteanach atá ag an sciorradh talún agus tugaimid cuairt ar chathair san Ísiltír atá ag dul i dtalamh.
