Þráinn Bertelsson Í þessum þætti ræðir Ásgrímur við kvikmyndaleikstjórann Þráinn Bertelsson um feril Þráins og þeir skoða saman brot úr myndum hans. Sýnd eru brot úr myndunum Snorri Sturluson, Jón Oddur og Jón Bjarni, Sigla himinfley, Nýtt líf, Dalalíf, Löggulíf, Magnús og Einkalíf Alexanders.
Hilmar Oddsson Í þessum öðrum þætti ræðir Ásgrímur við kvikmyndaleikstjórann Hilmar Oddsson um feril Hilmars og þeir skoða saman brot úr myndum hans. Sýnd eru brot úr myndunum Eins og skepnan deyr, Sjóarinn, spákonan, blómasalinn, Sporlaust, Tár úr steini og Kaldaljós.
Í þessum þætti ræðir Ásgrímur við kvikmyndaleikstjórann Hrafn Gunnlaugsson um feril Hrafns og þeir skoða saman brot úr myndum hans. Sýnd eru brot úr myndunum Óðal feðranna, Okkar á milli í hita og þunga dagsins, Hrafninn flýgur, Í skugga hrafnsins, Hvíti víkingurinn, Hin helgu vé, Myrkrahöfðinginn og Opinberun Hannesar.
Í þessum fjórða þætti ræðir Ásgrímur við kvikmyndaleikstjórann Guðnýju Halldórsdóttur um feril Guðnýjar og þau skoða saman brot úr myndum hennar. Sýnd eru brot úr myndunum Skilaboð til Söndru, Stella í orlofi, Kristnihald undir jökli, Karlakórinn Hekla, Ungfrúin góða og húsið og Stella í framboði.
Í þessum fimmta þætti ræðir Ásgrímur við kvikmyndaleikstjórann Friðrik Þór Friðriksson um feril Friðriks og þeir skoða saman brot úr myndum hans. Sýnd eru brot úr myndunum Skytturnar, Börn náttúrunnar, Bíódagar, Cold Fever, Djöflaeyjan, Englar Alheimsins og Fálkar.
Í þessum sjötta þætti ræðir Ásgrímur við kvikmyndaleikstjórann Gísla Snæ Erlingsson um feril Gísla og þeir skoða saman brot úr myndum hans. Sýnd eru brot úr myndunum Stuttur frakki, Benjamín dúfa, Ikingut og Blóm handa frúnni.
Í þessum þætti ræðir Ásgrímur við kvikmyndaleikstjórann Kristínu Jóhannesdóttur um feril Kristínar og þau skoða saman brot úr myndum hennar. Sýnd eru brot úr myndunum Á hjara veraldar, Svo á jörðu sem á himni, Líf til einhvers, Glerbrot og Guð og snjótittlingur.
Í þessum þætti ræðir Ásgrímur við kvikmyndaleikstjórann Þorstein Jónsson um feril hans og þeir skoða saman brot úr myndum Þorsteins. Sýnd eru brot úr myndunum Punktur punktur komma strik, Atómstöðin, Skýjahöllin, Fiskur undir steini, Öskudagur, Bóndi, Við byggjum hús, Rockville og Hanna frá Gögri.
Í þessum níunda þætti ræðir Ásgrímur við kvikmyndaleikstjórann Ágúst Guðmundsson um feril hans og þeir skoða saman brot úr myndum Ágústs. Sýnd eru brot úr myndunum Útlaginn, Með allt á hreinu, Dansinn, Mávahlátur, Land og synir og Ást í kjörbúð.
Í þessum þætti ræðir Ásgrímur við kvikmyndaleikstjórann Óskar Jónasson um feril hans og þeir skoða saman brot úr myndum Óskars. Sýnd eru brot úr myndunum Sjúgðu mig Nína, SSL-25, Sódóma Reykjavík, Perlur og Svín, Rót, Fiskur, Áramótaskaup sjónvarpsins, Úr öskunni í eldinn og Limbó.
Í þessum þætti er rætt við Sigurð Sverri Pálsson kvikmyndatökumann. Sigurður Sverrir nam heimspeki við Háskóla Íslands og síðan kvikmyndagerð með sérstaka áherslu á kvikmyndatöku í London School of Film Technique þar sem hann útskrifaðist 1969. Hann réðst síðan til Sjónvarpsins og starfaði þar um árabil sem myndatökumaður, klippari og upptökustjóri. 1977 stofnaði hann kvikmyndafélagið Lifandi myndir ásamt félögum sínum Erlendi Sveinssyni og Þórarni Guðnasyni. Saman hafa þeir unnið fjölda stórra heimildamynda og má þar meðal annars nefna Verstöðina Ísland, Silfur hafsins, Lífið er saltfiskur og Íslands þúsund ár, en allar þessar myndir fjalla á einn eða annan hátt um sögu sjávarútvegs á Íslandi. Enginn íslenskur myndatökumaður hefur filmað jafn margar bíómyndir og Sigurður Sverrir, eða alls fjórtán talsins. Sú fyrsta var Land og synir frá 1980 og sú nýjasta er Kaldaljós frá 2004. Meðal annarra mynda hans eru Punktur, punktur komma strik, Útlaginn, Eins og skepnan deyr, Sódóma Reykjavík,
Í þessum þætti er rætt við Ásdísi Thoroddsen kvikmyndaleikstjóra. Ásdís nam kvikmyndaleikstjórn við Deutsche Film und Fernsehakademie í Berlín. Fyrsta bíómynd hennar er Ingaló frá árinu 1992. Myndin vakti athygli á erlendum vettvangi og var meðal annars sýnd á kvikmyndahátíðinni í Cannes, þar sem hún var tilnefnd til Camera d´or verðlaunanna sem veitt eru fyrstu myndum leikstjóra. Önnur mynd Ásdísar er Draumadísir frá árinu 1996. Ásdís gerði sjónvarpsmyndina Óskir Skara árið 1992 og var einnig meðal þeirra tíu leikstjóra sem árið 2003 gerðu stuttar myndir innblásnar af verkum Halldórs Laxness. Ásdís lék annað aðalhlutverkið í kvikmyndinni Skilaboð til Söndru eftir Kristínu Pálsdóttur, sem frumsýnd var 1983 og hefur að auki unnið margskonar önnur störf á vettvangi kvikmyndagerðar. Þá hefur hún einnig stundað rannsókna- og fræðistörf auk ritstarfa.
Róbert lagði stund á fjölmiðlafræðinám á Norður-Írlandi þaðan sem hann er að hálfu ættaður. Áður en hann hóf að gera bíómyndir hafði hann ár eftir ár verið verðlaunaður á Stuttmyndahátíð Reykjavíkur, meðal annars fyrir myndina Ísland er draumurinn. Sú mynd varð síðan nokkurs konar tilhlaup að fyrstu bíómynd Róberts, Íslenska draumnum, sem frumsýnd var árið 2000 og varð afar vinsæl. Önnur bíómynd Róberts er Maður eins og ég frá árinu 2002. 2004 sendi hann frá sér heimildamyndina Mjóddin slá í gegn sem vakti athygli á alþjóðlegum kvikmyndahátíðum fyrir skemmtileg efnistök. Nýjasta bíómynd Róberts er gamanmyndin Strákarnir okkar sem frumsýnd var í fyrrahaust.
Í þessum þætti er rætt við Þorfinn Guðnason kvikmyndastjóra. Þorfinnur útskrifaðist 1987 frá California College of Arts and Crafts þar sem hann lagði stund á nám í kvikmyndagerð. Í framhaldi af því hóf hann störf hjá Sjónvarpinu þar sem hann starfaði um árabil sem myndatökumaður, klippari og dagskrárgerðarmaður. Um miðbik tíunda áratugsins sneri hann sér að gerð heimildamynda. Fyrsta myndin sem hann sendi frá sér var Húsey árið 1995. Önnur mynd hans er Hagamús: með lífið í lúkunum, sem vakti mikla athygli og hefur verið sýnd og verðlaunuð víða um lönd. Þriðja mynd Þorfinns er Lalli Johns frá árinu 2001. Myndin var sýnd í Háskólabíói á sínum tíma við áður óþekktar vinsældir heimildamyndar á vettvangi kvikmyndahúsa. Hún hlaut einnig Edduverðlaunin sem heimildamynd ársins. Fjórða heimildamynd Þorfinns, Grand Rokk, fjallar um andrúmsloftið á samnefndu veitingahúsi, 2004 sendi hann frá sér fimmtu mynd sína, Hestasögu, sem einnig hefur ferðast víða og nýjasta mynd hans er Klink & Bank sem e
Erlendur Sveinsson nam kvikmyndafræði við Kaupmannahafnarháskóla og hóf síðan störf hjá Sjónvarpinu sem klippari árið 1969. Þar starfaði hann til 1977 þegar hann stofnaði kvikmyndafélagið Lifandi myndir ásamt Sigurði Sverri Pálssyni og Þórarni Guðnasyni. Erlendur hefur stjórnað gerð viðamikilla heimildamynda um sögu sjávarútvegs á Íslandi, meðal annars Verstöðina Ísland, Silfur hafsins, Lífið er saltfiskur og Íslands þúsund ár, og leiknu heimildarmyndina Málarann og sálminn hans um litinn sem fjallar um föður Erlends, myndlistarmanninn Svein Björnsson.
Í fyrsta þættinum er rætt við Egil Eðvarðsson kvikmyndaleikstjóra. Egill nam myndlist við South Georgia College á árunum 1967 til 68. Hann hélt síðan áfram námi í Myndlista- og handíðaskólanum og útskrifaðist þaðan 1971. Sama ár var hann ráðinn einn af fyrstu upptökustjórum Sjónvarpsins og var sem slíkur í fremstu víglínu þeirra sem mótuðu dagskrárgerð fyrir íslenskt sjónvarp. Egill hefur gert bíómyndirnar Húsið og Agnes og meðal helstu sjónvarpsmynda hans eru Steinbarn, Djákninn og Dómsdagur. Jón Egill Bergþórsson stjórnaði upptökum.
Júlíus Kemp nam kvikmyndagerð við West Surrey College of the Arts í Bretlandi í upphafi tíunda áratugs síðustu aldar. Fyrsta bíómynd hans er Veggfóður frá árinu 1992, sem varð gríðarlegur smellur hér á landi. Aðra bíómynd sína, Blossa/810551 sendi hann frá sér árið 1997. Undanfarin ár hefur Júlíus lagt áherslu á framleiðendahlutverkið og sem slíkur framleitt þrjár bíómyndir í leikstjórn Róberts Douglas, Íslenska drauminn, Mann eins og mig og nú siðast Strákana okkar. Júlíus hefur einnig fengist við gerð stuttmynda og heimildamynda.
TBA
Í þessum þætti er rætt við Pál Steingrímsson kvikmyndastjóra. Páll var kominn á fimmtugsaldur þegar hann útskrifaðist frá kvikmyndadeild New York University árið 1972. Hann stofnaði síðan kvikmyndafélagið Kvik sem hann rak um árabil ásamt félögum sínum Ernst Kettler og Ásgeiri Long. Fyrsta verkefni þeirra var heimildamyndin Eldeyjan, sem fjallaði um Vestmannaeyjagosið 1973, en fyrirtækið varð síðan umfangsmikið á sviði auglýsingamynda fyrir sjónvarp á áttunda áratug síðustu aldar og fram á þann níunda. Páll hefur frá upphafi kvikmyndaferils síns unnið jafnt og þétt að heimildamyndum með áherslu á náttúru, dýralíf og umhverfi auk fræðslumynda fyrir ýmsa opinbera aðila. Alls fylla myndir hans rúmlega hálft hundrað og hafa margar þeirra verið sýndar og verðlaunaðar um víða veröld. Páll hlaut heiðursverðlaun Íslensku kvikmynda- og sjónvarpsakademíunnar árið 2004 fyrir hinn langa og farsæla feril sinn á sviði heimildamynda.
Í þessum þætti er rætt við Ara Kristinsson leikstjóra og tökumann. Ari nam myndlist við Myndlista- og handíðaskóla Íslands og California Institute of the Arts, þar sem hann lagði einnig stund á kvikmyndanám. Ari myndaði heimildamynd Friðriks Þórs, Eldsmiðinn, og hefur síðan starfað sem myndatökumaður við fjölda íslenskra bíómynda. Hann á tvær bíómyndir að baki sem leikstjóri, Pappírs-Pésa frá 1990 og Stikkfrí sem frumsýnd var 1997.