Albelos non pode evitar preocuparse polo benestar de Celia e trata de que abra os ollos. Quizais estea máis soa do que ela mesma pensa. O doutor tamén ten un agasallo moi especial para celebrar o aniversario de Noa. Un agasallo que acende todas as alarmas da rapaza. Raúl comeza os preparativos do novo negocio que pensa montar con Dimas, pero para iso terán que subtraer certa documentación de Porto de Abrente sen seren detectados. Agora que Lucho está sobre aviso non pensa saír da casa. Co que non conta é co carácter de Teresa.