Raúl cre que Mónica e Adela o pretenden enganar sobre o incidente con Abel. Se as súas sospeitas son certas poderíanlle arruinar a vida a un home inocente. Elba non é capaz de gardar o segredo e revélalle a Brais a inminente fuxida de Noa co seu mozo. Se quere que Noa quede en Abrente terá que descubrir canto antes quen é seu pai. Dimas busca un novo experimento para subir os ingresos despois do fracaso das tapas. Todo con tal de que Teresa non descubra que hipotecou o bar.