De September war gutt gefëllt am Manifestatiounskalenner vun der Gemeng Miersch. Mir huelen Iech an der Emissioun vun Enn September mat op zwee Eventer, déi op engem Dag waren : Deen Eenelter Maart zitt traditionell ganz vill Leit aus dem ganze Land op Recken an och dës Kéier war dësen traditionelle Maart vum DT Recke/Miersch ee groussen Erfolleg. Moies fréi scho waren déi éischt Cyclisten um Depart vun der Randonnée du Centre, déi ëmmer am Mierscher Park start an och erëm do ukënnt. Op déi aner Manifestatioune vum September, dem Kürbisfest, dem Depart vum Tour de Luxembourg an der Mierscher Kiermes, komme mer am Oktober zeréck.