Eng international Schoul fir Miersch an d'Gesanksveräiner an der Corona-Kris sinn eis Sujeten Enn Mäerz 2021. Aus der Haushaltungsschoul, dem Lycée Technique matten a Miersch, gouf 1996 eng Annexe vum Dikrecher Kolléisch. Dat Gebai gëtt zanter gutt 2 Joer komplett renovéiert a kritt eng nei Bestëmmung : Miersch kritt eng international Schoul. Mir stellen Iech d'EIMAB vir. D'Gesanksveräiner hunn et zanter engem Joer ganz schwéier fir ze prouwen an an der Kierch ze sangen. Mir hunn zwee Chéier begleet, déi no enger laanger Paus, elo erëm méi aktiv sinn. Merci fir d'Kucken a Merci fir all Feedback, Kritik, flott Iddien fir Reportagen.