D'Mierscher Musik huet drop gehalen fir op Nationalfeierdag awer op d'mannst d'Heemecht an d'Sonnerie Nationale ze spillen. Dofir war eng Zeremonie am ganz klenge Kader beim Schlass vun der Gemeng. Duerno huet d'Musik ee Concert am Park gespillt. Am Kulturhaus huet de Programm am Mäerz och misse vun engem Dag op deen anere gestoppt ginn. Mir hu mam Direkter Claude Mangen iwwert seng éischt Saison, déi hie sécher ni vergësst, an och iwwert d'Zukunft vum Kulturhaus, geschwat.