Beant Baas is it net iens mei de nije plannen foar in lúkse jachthaven en appartemintekompleks yn syn doarp. Mar syn skoandochter Talieta liket it wol moai ta en se sil prate mei de projektûntwikkeler oer it appartemintekompleks. Mar de projektûntwikkeler wol dan eins wat oars as prate...
Beant Baas komt de ideale skoansoan foar syn dochter Afke tsjin. Mar Afke sit lykwols mei in grut geheim. Hoe moat se dit fertelle oan har âlden?
Froukje keapet in lot foar de lotterij sûnder it Beant te fertellen. Wûnder boppe wûnder wint se de lotterij. Beant en Froukje begjinne it jild út te jaan, mar dan bart der wat dêr't se nea oan tocht hiene…
Meardere kij wurde siik en de boeren tinke dat it oan smoarch sleatswetter leit. Der is in jerrycan mei frjemd guod fûn yn de sleat en de plysje docht ûndersyk nei de saak. Mar Beant hat al in idee fan wa't de jerrycan is...
Froukje sil mei it koar nei Amsterdam, mar Beant fertrout it net hielendal. Dan betinkt hy wat wêrtroch't se wol thúsbliuwe moat...
Der komme in soad asylsikers nei it doarp fan Beant. Beant en Talieta fine dit mar neat en wolle dat se wer fuort gean. Dochs bart der wat wêrtroch't Beant Baas fan gedachten feroaret...
Joukje en Talieta Baas binne oan it eksperimintearjen mei spesjaal ynstraald wetter. Beant Baas is troch de rêch gien. Miskien soe it wetter him helpe...
Yn it doarp fan de famylje Baas wurdt ynbrutsen yn in loads en der binne brommers, motors en kompjûters stellen. De buorjonge fan Beant Baas, Bennie, wurdt fan dizze stellerij fertocht...
Nei't de freondinne fan Afke de famylje Baas moetet, tinkt Afke hieltyd faker oan it krijen fan bern. Mar der sil earst in spermadonor komme moatte...
Yn it doarp fan de famylje Baas liket in ferset tsjin it Frysk te ûntstean dy’t ek syn weromslach binnen de famylje Baas krijt. De fraach is fansels: wa wint de striid?
Under it iten fertelt Cynthia oan har pake en beppe dat se in nij húsdier ha. In lyts en aardich aapke. Mar wat dit bist jûns allegearre útfret is net sa moai...
Afke hat in nije freon, in swarte jonge, Winston. Beant fynt it mar neat, sa'n bûtenlanner. Dan docht Winston wat wêrtroch Beant syn foaroardielen net wier blike te wêzen...
By de famylje Baas is in hûntsje oanrûn en se jouwe him de namme Wijke. It docht lykwols bliken dat Wijke slim siik is. Der ûntstiet in konflikt yn de famylje: moatte se it dier ynsliepe litte of net...
Afke fynt in mystearje dat yn it hûs Baas spilet. Joukje wol graach iepen kaart spylje. Mar Beant ferbiedt it har...
Hoe fier kinst gean, as it om leafde giet? Beant ûntdekt dat de troude barfrou tutet mei in oare man. Wat moat hy dwaan?
Joukje begjint dingen te ferjitten en dêrom tinkt se dat se oan it demintearjen is. As se dit oan Beant fertelt, tinkt hy dat der wat oars oan de hân is.
Bennie sil in rockfeest organisearje op in stik lân ticht by it doarp. Talieta is lestich fallen troch in pear hardrock-fans en sjocht sa’n rockfeest hielendal net sitten en besiket fan alles om it feest te kearen.
Binnen it follybalteam ûntdekt Afke net winske yntimiteiten. Se fertinkt har coach, Wiebe Fokkema, in kroechmaat fan Beant, want hy liket nochal fertocht.
Bennie is fereale op Emma. Se is in Nederlânsktalich famke en net steld op boerepummels en stoere brommers. Bennie hâldt fol en krijt in kâns fan Emma. Soe se him dochs aardich fine?
Sjoerd is net mear sa lokkich mei syn wurk. Hy is oan in ‘sabatical’ ta fynt er sels. Dan komt der in fantastyske oanbieding fan in bistedokter út it bûtenlân. Grypt hy de kâns?
Talieta is wat mislik de ôfrûne dagen. Se is yn ferwachting. Sjoerd sit yn it bûtenlân en no stiet se allinnich foar de drege kar. Sil se it berntsje hâlde of net?
Ferskate klups út it doarp fan Beant hawwe in oanfraach yntsjinne foar in lintsje. Beant seit dat hy gjin lintsje ha wol, mar stikem liket it him wol wat. Sil hy it lintsje krije?
De skoandochter fan Beant, Talieta, fynt it aaisykjen elke maitiid mar simpel. Mar troch Beant syn geswets oer it sykjen besiket sy om it earste ljipaai te finen. Slagget it har of net?
De nije bistedokter, Frank, tinkt dat der in gefal fan tongblier is yn it doarp. As dit it gefal is, moatte in soad bisten ôfmakke wurde en soe it slimme gefolgen ha foar de boeren yn de omjouwing. Soe it sa wêze?
Beant skriuwt in column oer it Frysk. Hy fynt dat elkenien Frysk prate moat as se yn Fryslân wenje. In soad Nederlânsktalige minsken yn syn omjouwing binne dêrtroch kwetst en betinke in manier om him in leske te learen.
Afke fynt it moai om nei de draafbaan yn Wolvegea te gean om op de hynders te gokken. Mar dizze hobby begjint út de hân te rinnen.
Beant ferliest de weddenskip dy’t er mei Joukje hat. No moat hy mei har in dei nei Amsterdam en Beant sjocht it fansels hielendal net sitten. As se yn Amsterdam oankomme, binne se inoar fuortendaliks al kwyt. Beant siket Joukje en Joukje is op syk nei Beant.
Der is in hûntsje oanriden troch in auto en de dieder is trochriden. It hiele doarp hat it deroer. Beant tinkt dat hysels it miskien dien hat.
Beant hat in protte pine as hy pisje moat. De mannen út de kroech fertelle him as grapke dat in joint him helpe kin. Soe hy it besykje?
De frou fan Beant sil mei in âlde bekende nei in fuotbalwedstriid fan SC Hearrenfean en Beant fynt it mar neat.
In kameraploech is opnamen oan it meitsjen yn it doarp. De regisseur freget oft Beant it doarp goed ken en oft hy in rol as gids fertolkje wol yn “Holland in beeld”. Beant docht syn bêst om in goede gids te wêzen, mar syn kondysje sit him yn it paad.
Beant leit yn it sikehûs en krijt in hertoanfal. De dokter seit dat hy syn libben feroarje moat. Gjin sjekjes en Beerenburg mear. Oft him dat slagget, is noch mar de fraach. Dêrneist bart der wat dramatysks, wêrtroch't de hiele famylje Baas rekke wurdt. Sille se der wer boppe-op komme?
Talieta is mei de famylje Baas mei de boat fuort. Jûns sjocht sy in oare boat en tinkt dat der wat mei de boat oan de hân is. Talieta giet op ûndersyk út. Wat sy net wit, is dat har stalker op dy boat sit.
Der is in soad stress by de famylje Baas. Elkenien mist Sjoerd, Afke is ophâlden mei har wurk en Beant hat syn plakje by de doarpskrante ferlern.
Cynthia docht hiel frjemd en is brutaal. Boppedat fertelt har master dat se in mobile telefoan stellen hat. Wat is der mei it famke oan de hân?
Het is alweer een poos geleden dat Sjoerd is overleden. De familie Baas probeert het leven weer op te pakken.
Elkenien hat it swier mei de earste krystdagen sûnder Sjoerd. Talieta moat it krystdiner meitsje omdat Froukje siik is. Dan komt der samar ien om har te helpen.
Beant en Bennie begjinne in hanneltsje yn fjoerwurk. Se nimme wol in risiko, want de plysje docht allegearre kontrôles.
De famylje Baas giet it nije jier yn en dêr hearre fansels goede foarnimmens by.
Joukje fielt har de lêste tiid net sa lekker en se beslút om nei in sikehûs te gean. De diagnoaze is net sa bêst.
Joukje hat kanker, mar bliuwt lykwols sterk en fynt dat se rjocht hat op in eigen beslút. Se wol graach eutanasy, mar dit soarget foar in soad argewaasje yn it hûs fan de famylje Baas.