Este espectáculo de humor para toda a familia será un espectáculo feito á medida do seu director e presentador, Roberto Vilar, que terá como colaborador principal a Xosé Touriñán (Mucha, das Cantareiras de Luar) e que estarán acompañados á súa vez de cómicos novos, caras escollidas dunha gran proba de selección. O equipo garda en secreto todo o que se refire ao contido do programa e aos seus convidados, porque pretende que cada sábado noite sexa unha sucesión de sorpresas cara ao espectador. Roberto Vilar quere facer do seu programa un espazo para o humor e o sorriso, dende a xenerosidade dos artistas que estean actuando no estudio de gravación, diante dunhas duascentas persoas que farán que as risas sexan de verdade e non enlatadas, algo que sempre agradece o espectador dende as súas casas, disposto a suspender o seu pensamento durante un par de horas.
Este espectáculo de humor para toda a familia trae, na súa segunda edición, contidos cheos de humor para toda a familia. Veremos unha reportaxe na que a xente da rúa opina sobre a primeira emisión de "Land Róber". Noemí Rodríguez, colaboradora do programa, fala no San Froilán (Lugo) con José Clemente López Orozco, alcalde de Lugo, e Alberto Núñez Feijoo, presidente da Xunta de Galicia. Adelaida Vidal, colaboradora do programa, entrevista a unha muller que ten 39 fillos. Por outra banda, Roberto Vilar recibe e entrevista ao actor Serxio Pazos. Ademais, o programa estrea unha nova sección: "A entrevista sorpresa", que consiste en elixir unha persoa do público e facerlle unha entrevista tal e coma se de un famoso se tratase.
