陳俞希中學讀過五旬節林漢光中學及嘉諾撒聖瑪利書院，之後喺香港演藝學院舞台管理系畢業。佢本嚟係模特兒，其中2007年佢參選過香港蘋果日報搞嘅「Apple Girl選舉」。到2009年佢入咗八模兵團出過寫真集，開始畀公眾留意，當時畀人叫佢做「周秀娜師妹」。之後佢入咗香港女DJ組合Monster Beez。2011年底，陳俞希參加now TV搞嘅「CEO 選拔賽」入到總決賽，最後攞季軍，之後正式加入now TV，轉型做電視節目主持，主要做now觀星台節目。2016年開始兼埋viuTV嘅工作，當中比較出名嘅演出包括《借宿一宵》同《Girls' Talk》嘅主持。
